निर्धार...

 

केला निर्धार पक्का मनाशी तमा ना कशाची ,
द्वेष ना कुणासाठी मनी  भिती ना कशाची ...

ठिणगी उजाळली काळजाला धार सत्याची,
वाट मशाल होऊनी पेटेल वणवा आकाशी ...

चालता चालता वाटेला येईल धार कांट्यांची ,
उसवणार धागे जीवनात गाठ पडेल नात्यांशी ...

अंधार येईल डोळ्यासमोर वाट दिसणार नाही,
घाबरू नको उरेल तेच उभे जे तुझ्या पाठिशी ...

उतावीळ नको होऊ कधी ध्येय लांब अजूनही ,
सुरवात तुझी झाली धावायचयं तुला पिढ्यांशी ...

सौ. मनीषा आ.वांढरे ...