हा वादळ वारा...

 

श्वासांसवे श्वासात कसा ?, हा वादळ वारा,
तिमीरातूनी गोंजारतोय अश्रु ,हा वादळ वारा...

त्रस्त मायभू त्रस्त ,केव्हाची देऊनी जन्म,
कसा? जन्मला विध्वंसक , हा वादळ वारा...

लाख केले उपास ,कष्ट घेतेले किती ? किती ?,
उगाच पालथ्या घड्यावर पाणी ,हा वादळ वारा...

पालापाचोळा ही सोबती , घेऊन स्वप्नाची नक्षी,
दिलासा द्यावा कसा ? , सैराट हा वादळ वारा...

पुन्हा फिरूनी आले ,पक्षी परतुनी घरट्यांवर,
घरट्यांच्या सावल्या ओरबडून गेला,हा वादळ वारा...

साहवेना मंद झुळूकही , कधी जी गारवा दयायची,
उष्ण झोतांसवे फुंकरही ,चटके देती हा वादळ वारा...